الأربعاء، 8 يونيو، 2016

نصائح لختم القرآن

السلام عليكم حبيباتي احوالكم مع رمضان ؟؟
اليوم جبتلكم نصائح لختم القرآن بسرعة 
بالنسبة يلي بدو يختمو مرة بالشهر تبع هذي الخطوات :

يقرأ 20 صفحة يوميا يعني 4 صفحات بكل صلاة 
تطلع 4*5=20 وهيك رح تختموه 
اما اذا بدك تختميه كل اسبوع يعني 4 مرات بالشهر كمان سهلة
بالقرآن موجود 60 حزب والاسبوع فيه 7 ايام خلينا نقول انو فيه 
6 ايام يعني لحتى نقرأ 60 حزب لازم كل يوم نقرا 10 احزاب

ولحتى نقرا 10 احزاب باليوم نقرا حزبين بكل صلاة 
2*5=10 ونكمل يوميا هيك لمدة 6 ايام وهيك رح نختمه بأسبوع 
وطبعا اذا ختمناه كل اسبوع رح نكون ختمناه 4 مرات بالشهر 

وعندي كمان ملاحظة : بعضنا لما يقرأ يقرأ بس بعينيه 
بس من الأحسن تقري جهرا يعني ترفعي صوتك او تحركي شفايفك لما 
تقري كأنك تهمسي بأذن حدا المهم تحركي شفايفك
ليش لانو لما ترفعي صوتك رح يكون احسن ويكون عندك اجر اكبر 
هذي اول ملاحظة اما ثاني ملاحظة هي : 
انو اغلب الناس ما اتحدث عن الاولاد اتحدث عن البنات 
لما يقرو القرآن ما يحطو حجاب يعني ما يلبسو لباس متحشم
وانما يقرو بملابس البيت سواء كانت بيجاما او غيرها
وهذا خطأ لانو لازم عليك تحطي الحجاب لحتى يتقبل الله منك 

انا هلأ عم اتبع طريقة 10 احزاب باليوم وانا قريت 20 حزب
 وكمان اليوم رح احاول اني اقرا 7 احزاب على الاقل 

انا خبرتكم مش لحتى اتفاخر بس لحتى ابرهنلكم انو مش مستحيل 
ومرة سهل وقراءة حزبين ياخذ حوالي ساعة من وقتك او اقل
لهيك عادي وتستغلي وقتك في قراءة القرآن
احسن من انك تضيعيه باللعب 
ملاحظة : كل هذي النصائح من عندي وما اخذتها من النت وماعملت كوبي كولي
لهيك اتمنى تتفاعلو معي والله يرضى عليكم وصيامكم مقبول ولكم الاجر 
ان شاء الله 




ليست هناك تعليقات:

إرسال تعليق